मकवानपुर / मकवानपुरको बागमती गाउँपालिका वडा नं.९ बेतिनीस्थित आफ्नै दाजुमाथि खुकुरी प्रहार गरी फरार रहेका एक जनालाई प्रहरीले मंगलबार पक्राउ गरेको छ ।
पक्राउ पर्नेमा स्थानीय ४७ वर्षीय जिवनबहादुर तुमसिङ रहेको जिल्ला प्रहरी कार्यालय मकवानपुरका प्रहरी नायव उपरीक्षक लक्ष्मी भण्डारीले जानकारी दिए ।
प्रहरी नायव उपरीक्षक भण्डारीका अनुसार, गत आसोज २८ गते आफ्नै दाजु ४८ वर्षीय अशोक तुमसिङलाई खुकुरी प्रहार गरी जिवन फरार रहेका थिए ।
खुकुरी प्रहारबाट दाजु अशोकको घाटी र दाहिने हातमा काटेको थियो । पक्राउ परेका जिवनमाथि आवश्यक अनुसन्धानका साथै कानूनी प्रकृया अगाडि बढाइएको जनाएको छ ।
