खिचरा महोत्सवमा कृषि उपज प्रदर्शनीको नतिजा सार्वजनिक

चितवन / तरकारी खेतीका लागि प्रख्यात पूर्वी चितवनका कृषकहरूको गुणस्तरीय उत्पादनलाई थप हौसला प्रदान गर्ने उद्देश्यले विगतका संस्करणहरू झैँ नवौं संस्करणको खिचरा महोत्सवमा प्रतियोगितात्मक कृषि उपज प्रदर्शनी गरिएको छ । प्रतियोगितामा सहभागी गरिएको कृषि उपजहरूको नतिजा प्रकाशन भएको छ ।
जम्मा २७ प्रकारका कृषि उपजहरूको सहभागिता रहेको प्रदर्शनीमा २४ उपजको मूल्याङ्कन भई प्रथम, द्वितीय, तृतीय तथा शान्तवना स्थान हासिल गरेका र मूल्याङ्कन नभएका ३ उपजमा शान्त्वना स्थान हासिल गरेका कृषकहरूको नामावली प्रकाशन भएको कृषि उपज प्रदर्शनीका संयोजक कमानसिंह चौधरीले जानकारी दिए ।
प्रतियोगितामा सहभागी कृषि उपजहरूको मूल्याङ्कन खैरहनी नगरपालिका कृषि शाखाका प्रमुख गौरव न्यौपाने, ग्रामिण ताजा तरकारी तथा फलफूल उत्पादक सहकारी संस्थाका अध्यक्ष योगराज पन्त र खैरहनी एग्रोभेटका सञ्चालक नरनाथ आचार्यले गरेका हुन् ।