मकवानपुर / हेटौंडामा एक युवकमाथि खुकुरी प्रहार भएको छ । शनिबार बिहान हेटौंडा उमहानगरपालिका वडा नं. १० बसपार्कमा उनीमानिथ खुकुरी प्रहार भएको हो ।
जितपुर–सिमरा उपमहानगरपालिका वडा नं. १६ महेन्द्रनगर बस्ने आयुष कुँवरमाथि खुकुरी प्रहार भएको बागमती प्रदेश प्रहरी कार्यालय हेटौंडाले जनाएको छ ।
- ADVERTISEMENT -
प्रहरीका अनुसार, १९ वर्षीय आयुषमाथि हेटौंडा उपमहानगरपालिका वडा नं. ३ बसामाडी घर भई हाल हेटौंडा–११ थानाभ¥याङ डेरा गरी बस्ने २० वर्षीय समिर थिङ र १८ वर्षीय पञ्चबहादुर तामाङले खुकुरी प्रहार गरेका हुन् ।
खुकुरी प्रहारबाट टाउको, गर्दन र दाहिने हातको कान्छी औंलामा चोट लागेको आयुषको अवस्था गम्भीर रहेको छ । खुकुरी प्रहारपछि उनलाई तत्काल उपचारको लागि हेटौंडा अस्पतालमा लगिएको थियो ।
- ADVERTISEMENT -
उनको हेटौंडा अस्पतालमा उपचार सम्भव नभएपछि थप उपचारको लागि बिहानै हेटौंडा–११, थानाभर्याङस्थ्ति चुरेहिल अस्पतालमा रिफर गरिएको छ ।
खुकुरी प्रहार गर्ने ती दुबै जनालाई प्रहरीले नियन्त्रणमा लिई घटनाको बारेमा आवश्यक अनु्सन्धान गरिरहेको जनाएको छ ।
