मकवानपुर / बकैया गाउँपालिका वडा नं. १२ फास्टट्रयाकस्थित सुरुङमार्गभित्र बुधबार दिउँसो काम गर्ने क्रममा ढुङ्गाले लागेर एक मजदुरको हो ।
मकवानपुर प्रहरीका अनुसार ढुङ्गाले लागेर बाराको निजगढ घर भई हाल बकैया–१२ सुरुङमार्गमा काम गरी बस्ने २७ वर्षीय बिमल थिङको मृत्यु भएको हो ।
- ADVERTISEMENT -
ढुङ्गाले लागेर उनको घटनास्थलमा नै मृत्यु भएको प्रहरीले जनाएको छ ।
यसैगरी, ढुङ्गाले लागेर तनहुँ घर भएका २८ वर्षीय राजु बिक गम्भीर घाइते भएका छन् । घाइते विकको हेटौंडा–११, स्थित सीएमसी चुरेहिल अस्पतालमा उपचार भइरहेको बताइएको छ ।
प्रहरीले उक्त घटनाको बारेमा आवश्यक अनुसन्धानका साथै कानूनी प्रकृया अगाडि बढाएको जनाएको छ ।
