तीजको ‘दर’ खाँदा २८ महिला बिरामी

बुटवल / रूपन्देहीको देवदहमा तीजको दर खाँदा हुँदा दर्जन बढी महिला बिरामी परेका छन् । देवदह–६ स्थित शिवालय टोलका विभिन्न महिला समूह मिलेर भदौं ६ गते दर खाएपछि उनीहरू बिरामी परेका हुन् ।

देवदह–६ का वडा अध्यक्ष खेमबहादुर थापा मगरका अनुसार ६ गते साँझदेखि बिरामी परेका उनीहरूमा वान्ता हुने, टाउको दुख्ने, पखाला लाग्ने, पेट दुख्ने, रिङ्गटा लाग्नेलगायत स्वास्थ्य समस्या देखिएका छन् ।

- ADVERTISEMENT -

बिरामी परेका १८ जनाको स्थानीय अनिता मेडिकल हल खैरेनीमा उपचार भैरहेको छ । ५ जनाको भने देवदह मेडिकल कलेजमा उपचार भइरहेको छ । अन्य ६ जनाले घरमै बसेर उपचार गराइरहेका छन् ।

उपचारमा संलग्न अनिता मेडिकल हलका डा छविलाल गिरीका अनुसार उनीहरूमा १०२ देखि १०४ डिग्रीसम्मको ज्वरो आउने गरेको छ । दर खाने कार्यक्रममा ३५ जना सहभागी थिए ।