चितवन / तामाङ पत्रकार संघ (एटीजे) बागमती (नेवा ताम्सालिङ) प्रदेश समितिको अध्यक्षमा ज्ञानेन्द्र तामाङ सर्वसम्मत निर्वाचित भएको छ । संघको शनिबार हेटौंडामा सम्पन्न दोस्रो अधिवेशनबाट नवनिर्वाचित अध्यक्षसहित १९ सदस्यीय कार्यसमितिमा चयन गरिएको हो ।
जसको उपाध्यक्ष पदमा जगतमान तामाङ (काभ्रे जिल्ला), सचिवमा दिल बहादुर लामा (मकवानपुर), सह–सचिवमा मायालु लामा (काठमाडौं) र कोषाध्यक्षमा पेमा लामा दोङ (दोलाखा) निर्वारोध भएका छन् ।
- ADVERTISEMENT -
यस्तैगरी सदस्य पदहरुमा श्यामलाल लामा (काठमाडौ), फुर्वा तामाङ (दोलाखा), नवराज वाईबा (मकवानपुर), बबिलाल तामाङ (चितवन) र विकास वाईबा (काभ्रे) चयन भएका हुन् ।
नवनिर्वाचित अध्यक्ष तामाङले अन्य सदस्यहरु कार्यसमितिको पहिलो बैठकबाट मनोनित गरिने जानकारी दिए । विधानत एक जिल्ला एक सदस्य, पाँच प्रतिनिधि र थप एक गरी १९ सदस्यीय कार्यसमिति हुने अध्यक्ष तामाङले बताए ।
कार्यक्रमको प्रमुख अतिथि हेटौंडा उपमहानगरपालिका प्रमुख मीना लामा रहेका थिए भने तामाङ पत्रकार संघ (नेवा ताम्सासिङ) प्रदेश समितिका अध्यक्ष अर्जुन पाख्रिनको सभापतित्वमा सम्पन्न भएको हो ।
