चितवन / नेपाल र भारत भूगोल मात्र हैन, इतिहास र संस्कृतिले जोडिएको विश्वकै नमुनायोग्य मित्रराष्ट्र रहेको बागमती प्रदेशका वन तथा वातावरण मन्त्री कृष्णप्रसाद सिलवालले बताएका छन् ।
भारतको ७६औं गणतन्त्र दिवसको अवसरमा भारतीय महावाणिज्य दुतावास बिरगंजको आयोजनामा मंगलबार चितवनको नारायणगढमा आयोजित राजस्थानी लोकनृत्य प्रदर्शनी कार्यक्रममा प्रमुख अतिथिको रुपमा सम्बोधन गर्दै मन्त्रीले सिलवाले सो बताएका हुन् । ।
- ADVERTISEMENT -
कार्यक्रमलाई सम्बोन्धन गर्दै उनले ७६औं गणतन्त्र दिवसमा भारतका सम्पूर्ण दाजुभाई तथा दिदीबहिनीहरुमा शुभकामना व्यक्त गर्दै नेपाल र भारत भूगोल मात्र हैन, इतिहास र संस्कृतिले जोडिएका विश्वकै नमुनायोग्य मित्रराष्ट्रहरु भएकाले भौगोलिक सिमाना खुला भए जस्तै दुई देशका जनताहरुको मन पनि खुल्ला भएकोले एक अर्काको समस्या र सुख दुबैमा समान सहभागी हुने गरेको बताए ।
यस्तै सो आन्दोलनमा सहभागी भएर मनमोहन अधिकारी, विश्वेश्वरप्रसाद कोइराला लगायतका नेपाली नेताहरुले दुई देश बीचको सम्बन्धलाई जनताको तहमा विस्तारित गर्न ठूलो योगदान पुर्याएको उनको भनाइ थियो ।
साथै उनले पञ्चशील तथा संयुक्त राष्ट्र संघको बडापत्रमा व्यक्त प्रतिबद्धताबाट निर्देशित नेपालको परराष्ट्र नीतिले सबै देशसँग सौहार्द सम्बन्ध अँगालेको बताउँदै त्यसमा पनि भौगोलिक सिमानाबाट जोडिएका भारत र चीनसँग हामी अत्यन्तै मित्रवत र समनिकटताको दृष्टिले सम्बन्धलाई विस्तारित गर्न चाहेको बताए ।
