– बबिलाल तामाङ
चितवन । भरतपुर महानगरपालिका वडा नं. २ स्थित सिद्धि विनायक बचत तथा ऋण सहकारी संस्था लि. (साकोस) ले सदस्य शिक्षा एवम् अन्तर्क्रिया कार्यक्रम गरेको छ । १८औं स्थापना दिवस पहिलो दिनको शुभ अवसर पारेर शेयर सदस्यहरुलाई बुधबार सो कार्यक्रम गरिएको संस्थाका अध्यक्ष थिरप्रसाद धितालले जानकारी दिए ।
कार्यक्रमका प्रमुख अतिथि तथा संस्थाका संस्थापक अध्यक्ष शालिकराम घिमिरेले व्यानर वाचन गरेर उद्घाटन गरेका हुन् । उद्घाटनपछि बोल्दै घिमिरेले संस्था दिगो बनाई राख्न सबैजना इमान्दार हुनुपर्ने बताए ।
- ADVERTISEMENT -
कार्यक्रमको सहजीकरणको भूमिकामा संस्थाका अध्यक्ष धिताल रहेका थिए भने शेयर सदस्यहरुलाई संस्थाका हरेक गतिविधिमा चनाखो हुनुपर्ने उनको सुझाव थियो । संस्था चलायमान बनाउन सबैको भूमिका र दायित्व बराबर हुने उनको भनाइ थियो ।
कार्यक्रममा संस्थाका व्यवस्थापक विकास पौडेलले संस्थागत जानकारी र वित्तीय साक्षरता बारे प्रकाश पारेका थिए । यस कार्यक्रमबाट शेयर सदस्यहरु लाभान्वित हुने विश्वास संस्थाले लिएको छ ।
संस्थाका उपाध्यक्ष मुकुन्दप्रसाद गौतमले स्वागत मन्तव्य दिएका भने सचिव जयराम पाण्डेले सञ्चालन गरेका हुन् । कार्यक्रममा करिब डेढ सय जना शेयर सदस्यहरुको उपस्थिति थियो ।
कार्यक्रम संस्थाका अध्यक्ष थिरप्रसाद धितालको अध्यक्षतामा सम्पन्न भएको थियो । २०६५ सालमा स्थापना भएको संस्थामा हाल दुई हजार नजिक शेयर सदस्यहरु रहेका छन् ।
संस्थाले दोश्रो दिन आज (बिहीबार) देवघाट–५, तनहुँ स्थित माँ कल्याणी बौद्धिक कन्या गुरुकुलमा भोजन एवम् फलफूल वितरण कार्यक्रम गर्ने भएको ।
आज नै दिनको १ बजेपछि संस्थामा आवद्ध ७५ वर्ष माथि बृद्धबृद्धाहरुलाई सम्मान गर्ने कार्यक्रम रहेको छ ।
