एजेन्सी / उत्तराखण्डको उत्तरकाशी जिल्लाको धराली क्षेत्रमा मङ्गलबार भएको बादल पड्किएपछि आएको बाढी र पहिरोले केरलाबाट आएका २८ जना पर्यटकहरू बेपत्ता भएका छन् । पीटीआई समाचार एजेन्सीका अनुसार, यो समूह बुधबार बिहान ८ः३० बजे गंगोत्री तीर्थस्थल जाँदै गर्दा विपद्को चपेटामा परेको हो ।
गंगोत्री क्षेत्रको छेउमा रहेका घर, होटल र होमस्टेहरूलाई बाढीले बगाएको छ । बेपत्ता समूहमध्ये २० जना केरलाका भए पनि हाल महाराष्ट्रमा बसोबास गर्दै आएका थिए भने बाँकी ८ जना केरलाका विभिन्न जिल्लाबाट आएका थिए ।
- ADVERTISEMENT -
एक बेपत्ताको आफन्तले बताएअनुसार, उनीहरूले गएको दिन मात्र हरिद्वारबाट गंगोत्रीका लागि प्रस्थान गरेका थिए र त्यसपछि उनीहरूसँग सम्पर्क हुन सकेको छैन । ट्राभल एजेन्सीमार्फत १० दिने उत्तराखण्ड यात्रा तय गरिएको भए पनि हालसम्म परिवारजनलाई कुनै आधिकारिक जानकारी प्राप्त भएको छैन ।
