पश्चिम बंगालमा बस दुर्घटना, १० तीर्थयात्रीको मृत्यु

भारत | पश्चिम बंगालको पूर्वा वर्धमान जिल्लामा बस दुर्घटना हुँदा १० जनाको मृत्यु भएको छ । दुर्घटनामा ३५ जना घाइते भएको समाचार एजेन्सी पीटीआईले जनाएको छ । 
समाचारअनुसार शुक्रबार बिहान तीर्थयात्रीहरू बोकेको एउटा निजी बस पूर्वा वर्धमानबाट दुर्गापुर जाँदै गर्दा सडकमा रोकिएको ट्रकको पछाडि ठोक्किएको थियो । 
बस र ट्रकबीचको ठक्करमा १० जनाको घटनास्थलमै मृत्यु भएको हो । 
घाइते सबैलाई बर्धमान मेडिकल कलेज अस्पतालमा भर्ना गरिएको समाचारमा उल्लेख छ ।
दुर्घटनामा परेका सबै तीर्थयात्रीहरू बिहारका बासिन्दा भएको बताइएको छ ।