क्रमशः सुलभ खरेल, पार्थवेन्द्र उपााध्याय, डा. लेखजंग थापा, ज्ञानु पौडेल, जितबहादुर गुप्ता (जेबी), कसुम महर्जन, रचना क्षेत्री, पुनमकुमारी अग्रवाल र मधुप्रसाद अर्याल ।
काठमाडौं । राष्ट्रिय स्वतन्त्र पार्टी ९रास्वपा०ले रुपन्देही(३ को आसन्न उपनिर्वाचनका लागि आज (आइतबार) उम्मेदवार घोषणा गर्ने तयारी गरिरहँदा, आकांक्षीहरूले पार्टी सभापति रवि लामिछानेलाई भेट्न नख्खु कारागार पुग्दैछन् । सहकारी ठगी प्रकरणमा पुर्पक्षका लागि थुनामा रहेका लामिछानेलाई भेटेर उनीहरूको अन्तिम राय लिने उद्देश्यले भेटघाट तय गरिएको हो ।
- ADVERTISEMENT -
भैरहवा कारागारबाट केही समयअघि मात्र नख्खु कारागार सारिएका सभापति लामिछानेलाई भेटेपछि पार्टीको सचिवालय बैठक दिउँसो साढे १ बजे बस्नेछ । बैठकले ९ जना आकांक्षीमध्येबाट एक जनालाई रुपन्देही(३ को उम्मेदवारका रूपमा अघि सार्नेछ । रास्वपा स्रोतका अनुसार, बैठकलगत्तै उम्मेदवारको औपचारिक घोषणा गर्ने तयारी छ ।
पार्टीले साउन ७ देखि २१ गतेसम्म उम्मेदवार बन्नका लागि आवेदन आह्वान गरेकोमा ९ जनाको नाम छनोट सूचीमा परेको थियो । यसमा पार्टी केन्द्रीय सदस्य कुसुम महर्जन, रुपन्देही(३ का क्षेत्रीय सभापति मधु अर्याल, अमेरिकाबाट फर्किएका बुटवल सेमलारका सुलभ खरेल, पार्थिवेन्द्र उपाध्याय, डा। लेखजंग थापा, ज्ञानु पौडेल, कोटहीमाईका जीतबहादुर गुप्ता, रचना क्षेत्री र पुनम कुमारी अग्रवाल सामेल छन् । यीमध्ये कुसुम, मधु, सुलभ र जीतबहादुरबाहेक ५ जना भैरहवा क्षेत्रका हुन् ।
रुपन्देही(३ मा राप्रपाबाट निर्वाचित दीपक बोहराको निधन भएपछि रिक्त भएको यस क्षेत्रमा कात्तिक १७ गते उपनिर्वाचन हुँदैछ । रास्वपाले यस उपनिर्वाचनलाई विशेष महत्त्वका साथ हेरेको छ र बलियो उम्मेदवार खडा गर्ने रणनीतिमा जुटेको छ ।
