काठमाडौं / मुग्लिन-नारायणगढ सडकखण्डअन्तर्गत तुइन खोला नजिकै खसेको सुख्खा पहिरोले सडक पूर्णरूपमा अवरुद्ध भएको छ । मंगलबार दिउँसो ४ः५० बजेतिर खसेको विशाल पहिरो पन्छाउन आज (बुधबार) दिनभर लाग्ने सडक डिभिजन कार्यालय भक्तपुरले जनाएको छ ।
पहिरोका कारण सडक आवागमन ठप्प भएपछि गन्तव्यतर्फ हिँडेका यात्रुहरू बिच बाटोमै रोकिएका छन् । सडक डिभिजन कार्यालयले यात्रुहरूलाई वैकल्पिक मार्ग प्रयोग गर्न अनुरोध गरेको छ । कार्यालयका अनुसार, नौबिसे–दामन–हेटौँडा र मुग्लिन–भिमाद–डेढगाउँ–गैँडाकोट (कालीगण्डकी करिडोर) हुँदै गन्तव्यमा पुग्न सकिनेछ ।
- ADVERTISEMENT -
पहिरो खसेलगत्तै सडक खुलाउने प्रयास भइरहे पनि पहिरोको आकार ठूलो भएकाले थप समय लाग्ने अनुमान गरिएको छ । सडक डिभिजन कार्यालय भक्तपुरले आज दिनभरजसो पहिरो पन्छाउने कार्य जारी रहने जानकारी दिएको छ ।
यस सम्बन्धमा थप जानकारीका लागि जिल्ला प्रहरी कार्यालय चितवनका सूचना अधिकारी रवीन्द्र खनाल ९मो। ९८५५०१३९९९०, जिल्ला प्रशासन कार्यालय चितवनका सूचना अधिकारी मदन लामा थिङ (मो. ९८५५०९२२००) र सडक डिभिजन भरतपुरका सूचना अधिकारी कृष्णप्रसाद आचार्य (मो ९८५५०९२२१८) लाई सम्पर्क गर्न सकिनेछ ।
यात्रुहरूलाई धैर्यधारण गरी वैकल्पिक मार्ग प्रयोग गर्न तथा यात्रा गर्नुअघि सडकको अवस्थाबारे जानकारी लिन सम्बन्धित निकायमा सम्पर्क गर्न आग्रह गरिएको छ ।
