बेलायत / बेलायतको केम्ब्रिजशायरमा एउटा रेलभित्र भएको चक्कु आक्रमणमा नौ जना गम्भीर रूपमा घाइते भएका छन् । यो जानकारी ब्रिटिश ट्रान्सपोर्ट प्रहरीले दिएको हो ।
प्रहरीका अनुसार डनकास्टरबाट किङ्स क्रस जाँदै गरेको रेलभित्र आक्रमण भएको थियो । घटनापछि १० जनालाई अस्पताल भर्ना गरिएको छ, जसमा नौ जनाको अवस्था गम्भीर छ ।
- ADVERTISEMENT -
प्रहरीले यसलाई ‘ठूलो घटना’को रूपमा लिएको छ र आतंकवाद विरोधी अधिकारीहरू पनि अनुसन्धानमा संलग्न भएका छन् । ब्रिटिश ट्रान्सपोर्ट प्रहरीका प्रमुख सुपरिन्टेन्डेन्ट क्रिस केसीले यस आक्रमणलाई ‘एक स्तब्ध पार्ने घटना’ भनेका छन् ।
उनका अनुसार अहिले घटनाको कारणबारे केही भन्नु जल्दबाजी हुनेछ । केसीले थप जानकारी दिँदै भनेका छन् कि हाल सो क्षेत्रमा रेल सेवा बन्द गरिएको छ र सडकहरू पनि अर्को सूचनासम्मका लागि बन्द रहनेछन् । –एजेन्सी
