चितवन / भरतपुर महानगरपालिका वडा नं. ५ स्थित उग्र्यान न्होर्बु छ्योलिङ गुम्बाले दुई जना पत्रकारसहित छ जनालाई सम्मान गरेको छ ।
गुम्बाले सोनाम ल्होछारको अवसरमा तामाङ पत्रकार संघ बागमती प्रदेशका सदस्य तथा न्युज प्रवाह साप्ताहिकका सञ्चालक बबिलाल तामाङ र चितवन पोष्टकर्मी तुलमान गुरूङसहित विभिन्न विधामा छ जनालाई सम्मान गरेको हो ।
- ADVERTISEMENT -
गुम्बाले उच्च शिक्षा हासिल गरेका राजीव तामाङ, गुम्बाका निवर्तमान अध्यक्ष कविरमान तामाङसँगै समाजमा महŒवपूर्ण योगदान दिएका समाजसेवी प्रसाद तामाङ र रामबहादुर दोङलाई सम्मान गरेको हो । गुम्बाका अध्यक्ष चेतबहादुर तामाङसँगै भरतपुर महानगरपालिका वडा नं.५ का अध्यक्ष युद्धप्रसाद श्रेष्ठले उनीहरुलाई सम्मानपत्र प्रदान गरेका थिए ।
सोनाम ल्होछारको अवसरमा गुम्बा समितिले बिहान शोभा यात्रासमेत निकालेको थियो । पुस २९ गतेदेखि नै सप्ताहव्यापी कार्यक्रम आयोजना गर्दै आएको गुम्बाले सोमबार साँझ विशेष सांस्कृतिक कार्यक्रम आयोजना गरेर कार्यक्रमको समापन गरेको छ ।
