राप्ती / पूर्वी चितवन राप्ती नगरपालिका वडा न ७ मा स्थित साँघ छेवाङ्ग टासी बौद्ध गुम्बा परिसरमा बौद्ध धर्मका अनुयायीहरूका लागि आस्थाका धरोहर २ स्तुपा, चैत्य छोर्तेन निर्माण हुने भएको छ ।
स्वर्गीय माता पिता बुद्धि कुमारी नेगी तामाङ् र आइते सिंह रुम्बा लामाको सम्झनामा उनका छोरा बुहारीहरुले उक्त चैत्य तथा छोर्तेन निर्माण गर्न लागिएको हो ।
- ADVERTISEMENT -
्रछोर्तेन वा स्तुपा बुद्ध र बोधिसत्वहरूको आशीर्वाद प्राप्त स्थानमा निर्माण गरिने पवित्र स्मारक वा चैत्य हो, जसलाई बुद्धको प्रतिविम्ब मानिन्छ ्र बौद्ध धर्म वा धर्मावलम्बीका अनुसार स्तुपा छोर्तेनहरू मुख्यतया बुद्धको जीवनका विभिन्न घटनाहरूसँग सम्बन्धित ८ प्रकारका हुन्छन् । बुद्ध भगवान जन्मेको स्मरणमा निर्माणदेखि महापरिनिर्वाणको स्मरणमा समेत गरी उक्त ८ प्रकारका छोर्तेनहरु निर्माण गरिएको पाइन्छ जसलाई निम्नानुसार नामकरण गरेका छन् –
पद्यकुट चैत्य (पेमापुङ्ग) – बुद्धको जन्मको स्मरणमा निर्मित ।
वोधी चैत्य (झ्याङ्छुक) – बुद्धत्व प्राप्तिको स्मरणमा ।
रिद्धी प्रतिहार्य चैत्य (छ्योठुल) – चमत्कार प्रदर्शन गरेको स्मरणमा ।
देव अवतरण चैत्य (ल्हबप) – स्वर्गबाट धर्तीमा ओर्लेको स्मरणमा ।
संघ पुनर्गठन चैत्य (ईन्दुम) – संघलाई एकत्रित गरेको स्मरणमा ।
विजय चैत्य (नामग्याल) – विजयको स्मरणमा ।
परिनिर्वाण चैत्य (ङ्याङ्दोही) – बुद्धको महापरिनिर्वाणको स्मरणमा ।
- ADVERTISEMENT -
यी ८ मध्ये पद्यकुट चैत्य (पेमापुङ्ग) – जन्मको स्मरणमा र परिनिर्वाण चैत्य (ङ्याङ्दोही) – महापरिनिर्वाणको स्मरणमा निर्माण गरेको स्तुपा निर्माण गर्न लागेको स्वर्गीय मातापिताका जेठा छोरा राजेश रुम्बा तामाङ्ले जानकारी गराए । तामाङ गुम्बाका अध्यक्ष समेत हुन् ।
‘्रूहामीलाई जीवन, संस्कार र बाटो देखाउनु भएका आदरणीय आमा–बाबाको अमर सम्झनामा छोर्तेन स्तुपा निर्माण गर्ने सौभाग्य प्राप्त भएको छ, यो सबैको निम्ति पुण्य कमाउने पबित्र स्थाल हो’ उनले भने ।
मृतक रुम्बा तामाङ् दाम्पत्यको ४ भाई छोरा बुहारी र ३ दिदी बहिनि छोरीहरु रहेका छन् । स्वर्गीय आइते सिंह रुम्बा लामा एक समय एक लामा कार्यमा सक्रिय थिए ।
बौद्ध धर्मका अनुयायीहरू छोर्तेनको छाया परेको स्थानमा मात्रै पनि सुख–शान्ति मिल्ने र यसको परिक्रमा गर्दा असीमित पुण्य प्राप्त हुने विश्वास गरिन्छ । खाइबा लामा गुरु बाबुलाल बलको अगुवाइमा निर्माण हुन लागेको २ स्तुपा १ महिनाभित्र निर्माण सम्पन्न हुने बताइएको छ ।
