चितवन / भरतपुर महानगरपालिकाका कार्यवाहक नगरप्रमुख चित्रसेन अधिकारीलाई फलफूल तथा तरकारी व्यवसायीहरुले बधाई तथा शुभकामना व्यक्त गरेका छन् ।
भरतपुर महानगरपालिका वडा नं. २ क्षेत्रपुर स्थित महानगर फलफुल तथा तरकारी बजारका व्यवसायीहरुद्वारा बिहीबार कार्यवाहक नगरप्रमुख अधिकारीलाई एक कार्यक्रमका बीच हार्दिक बधाई तथा शुभकामना व्यक्त गरिएको हो ।
- ADVERTISEMENT -
नगरप्रमुख रेनु दाहालले राजीनामा दिएपछि अधिकारीले कार्यवाहक नगरप्रमुखको जिम्मेवारी समाल्हेका हुन् । उनी यसअघि नगर उपप्रमुखको जिम्मेवारीमा रहँदै आएका थिए ।
सो अवसरमा व्यवसायीहरुले कार्यवाहक नगरप्रमुख अधिकारीलाई महानगर फलफुल तथा तरकारी बजारको वर्तमान अवस्था, समस्या र आवश्यकताका बारेमा जानकारी गराएका थिए ।
कार्यवाहक नगरप्रमुख अधिकारीले बजारलाई थप सहयोग र व्यवस्थित गर्न भरतपुर महानगरपालिका कार्यालयको तर्फवाट प्रतिवद्धता व्यक्त गरेका थिए ।
कार्यक्रममा भरतपुर महानगरपालिका वडा नं. २ का वडाध्यक्ष मनोज रानाभाट, कृषि प्रवर्धन बजार विकास प्रालिका प्रबन्ध निर्देशक थिरप्रसाद धिताल, सिद्धि विनायक बचत तथा ऋण सहकारी संस्था लि.का मुकुन्दप्रसाद गौतम, सचिव जयराम पाण्डे लगायतको उपस्थिति रहेको थियो ।
