चितवन / आसन्न प्रतिनिधि सभा निर्वाचनको चितवनलाई पछिल्लो समय आम जनमानसले निकै चासोको रुपमा हेरिरहेका छन् । चुनाव आउन केही दिन मात्र बाँकी छ र कसले बाजी मार्ला फागुन २१ पछि नै थाहा हुनेछ । यसअघि विभिन्न राजनीतिक दलहरुले यहाँ विभिन्न आमसभा, कोणसभा गरिसकेका छन् ।
चुनाव प्रचार प्रसारको अन्तिम दिन आज (सोमबार) श्रम शक्ति पार्टीले भरतपुरको चौबिसकोठीमा आमसभा गर्ने कार्यक्रम रहेको छ । आससभालाई सम्बोधन गर्न श्रम शक्ति पार्टीका अध्यक्ष हर्क सम्पाङ आज (सोमबार) चितवन आइसकेको चितवनका अध्यक्ष लेखबहादुर पुनले जानकारी दिए ।
- ADVERTISEMENT -
अध्यक्ष पुनका अनुसार साम्पाङले बिहान ११ः०० बजे चौबिसकोठीमा सम्बोधन कार्यक्रम रहेको छ । त्यसपछि हर्क साम्पाङ हेटौंडाको कार्यक्रमको लागि जाने उनले बताए । आमसभामा सम्पूर्ण चितवनवासीलाई सहभागिताको आह्वान समेत उनले गरेका छन् ।
श्रम संस्कृति पार्टीको तर्फबाट चितवन क्षेत्र नं. २ मा मिलन थापा मगर उमेदवार रहेका छन् । आसन्न प्रतिनिधि सभाको निर्वाचनको लागि चितवन क्षेत्र नं. २ बाट २३ जना उमेदवार चुनावी मैदानमा छन् ।
