भरतपुर / उज्यालो नेपाल पार्टीका अध्यक्ष कुलमान घिसिङ आज (शुक्रबार) चितवन आउने भएको छ ।
अध्यक्ष घिसिङ चितवनमा हुन गइरहेको जिल्ला स्तरीय अगुवा भेला परामर्श तथा भेटघाट कार्यक्रम सम्बोधनका लागि भरतपुर आउन लागेको पार्टीका संवाद सदस्य मेकना तामाङले जानकारी दिए ।
- ADVERTISEMENT -
गणतन्त्र दिवसको अवसर पारेर हुन गइरहको उक्त कार्यक्रमको लागि अध्यक्ष घिसिङ करिब १२ः३० बजे भरतपुर एयरपोर्ट आइपुग्ने उनले बताए ।
उनले उज्यालो नेपाल पार्टी र हाम्रो पार्टी नेपाल बीच महामन्त्रीसहित केन्द्रीय सदस्यहरुको सहभागितामा पार्टी समायोजन गरिने कार्यक्रम रहेको बताए ।
- ADVERTISEMENT -
भरतपुर ७, बुद्धचोक स्थित चितवन होलिडेज पार्टी भेन्युमा सम्पन्न हुने कार्यक्रममा दुई सय बढीलाई पार्टी प्रवेश गराउने चितवन जिल्ला कमिटीले जनाएको छ ।
उज्यालो नेपाल पार्टीका अध्यक्ष कुलमान घिसिङबाट कार्यक्रमको उद्घाटन हुनेछ । घिसिङ उज्यालो नेपालका नायकको रुपमा पनि आमजनता माझ परिचित छन् ।
उज्यालो नेपाल पार्टी चितवनका कृष्ण लामाको संयोजकत्वमा उक्त कार्यक्रम हुँदैछ भने चितवन संयोजक समीर थापा हुन् ।
