चितवन / किराना व्यवसायी संघ चितवनको अध्यक्षमा जीवनप्रसाद आचार्य निर्विरोध निर्वाचित भएका छन् ।
संघको १३औं साधारण सभा तथा अधिवेशनबाट आचार्यसहित १५ सदस्यीय कार्यसमिति चयन गरिएको छ ।
- ADVERTISEMENT -
अधिवेशनबाट प्रथम उपाध्यक्षमा दिलिप डागा, द्वितीय उपाध्यक्षमा सुशील सापकोटा, महासचिवमा अर्जुन पौडेल, सचिवमा भोजराज रेग्मी, कोषाध्यक्षमा सोनालाल साह चयन गरिएको छ ।
यस्तैगरी सदस्यहरुमा गुणनिधि आचार्य, गणेश ढुंगाना, रामनारायण साह, कृष्ण अग्रवाल, अरबिन्द साह, आदेश केसी निर्बाचित भएका छन् । अन्य तीन जना सदस्यहरु भने कार्यसमितिको बैठकले मनोनित गरिने संघले जनाएको छ ।
चितवन उद्योग वाणिज्य संघका अध्यक्ष चिरञ्जीवी सुवेदी कार्यक्रमको प्रमुख अतिथि रहेका थिए । उनले व्यवसायिक हकहितका लागि सदैव सहयोग गर्ने प्रतिबद्धता व्यक्त गरे ।
कार्यक्रममा चितवन उद्योग वाणिज्य संघका वरिष्ठ उपाध्यक्ष राजेन्द्र ओली, उपाध्यक्ष राजन पिया, किराना व्यवसायी संघका पूर्व अध्यक्षहरु रविन्द्रकुमार श्रेष्ठ, ईश्वरी खराल, लोकबहादुर रानाभाट लगायतले मन्तव्य दिएका थिए ।
सो अवसरमा संघलाई विभिन्न समयमा सहयोग पु¥याउने सदस्यहरुलाई कदर पत्र प्रदान तथा पूर्वअध्यक्षहरु तथा अतिथिहरुलाई मायाको चिनो प्रदान गरिएको थियो ।
किराना व्यवसायी संघ चितवनका अध्यक्ष पुष्पकुमार श्रेष्ठको अध्यक्षतामा कार्यक्रम सम्पन्न गरिएको थियो ।
२०५६ सालमा स्थापना भएको संघको संस्थापक अध्यक्ष स्व. शम्भुलाल श्रेष्ठ हो भने २०७६ देखि विधिवत रुपमा दर्ता गरी सञ्चालनमा ल्याइएको हो ।
