काठमाडौं / नर्वे पहिलोपटक फिफा विश्वकप २०२६ को क्वाटरफाइनलमा प्रवेश गरेको छ। सोमबार बिहान सम्पन्न खेलमा ब्राजिललाई २–१ ले हराउँदै नर्वेले अन्तिम ८ मा स्थान बनाएको हो।
नर्वेको जितमा दुवै गोल एर्लिङ हालान्डले गरे। उनले खेलको ७९ औं र ९० औं मिनेटमा गोल गरेका हुन्। ब्राजिलका लागि अन्तिममा नेयमारले सान्त्वना गोल फर्काए।
- ADVERTISEMENT -
योसँगै उनले जारी विश्वकपमा गोल संख्या ७ पुर्याएका छन्। गोन्डेन बुटको दौडमा अर्जेन्टिनाका लियोनल मेसी, फ्रान्सका किलियन एम्बाप्पे पनि ७ गोलसँगै दौडमा छन्।
नर्वेले क्वाटरफाइनलमा इंग्ल्यान्ड र मेक्सिकोसँगको विजेतासँग खेल्नेछ।
- ADVERTISEMENT -
सन् २००२ मा पाचौं पटक उपाधि जितेको ब्राजिल त्यसयता भने लय गुमाइरहेको छ । सन् २०१४ मा चौथो स्थानमा रहेको थियो । सन् २०१८ र सन् २०२२ मा क्वार्टरफाइनलबाट माथि बढ्न सकेको थिएन । यसपटक भने अन्तिम १६ बाटै बाहिरियो ।
