चितवन / राप्ती नगरपालिकामा भएका छुट्टाछुट्टै सवारी दुर्घटनामा गम्भीर घाइते भएका दुई जनाको उपचारका क्रममा मृत्यु भएको छ ।
चितवन प्रहरीका अनुसार असार १७ गते राप्ती नगरपालिका–७, वीरेन्द्रनगरस्थित पूर्व–पश्चिम राजमार्गमा बा ७१ प १८७२ नम्बरको मोटरसाइकललाई बा ७ च ७१३९ नम्बरको कारले ठक्कर दिएको थियो । दुर्घटनामा मोटरसाइकल चालक भारतको मोतिहारी झाँझर घर भई हाल राप्ती–७ वीरेन्द्रनगर बस्दै आएका ३६ वर्षीय मुन्ना कुमार साह गम्भीर घाइते भएका थिए ।
- ADVERTISEMENT -
भरतपुरस्थित नयाँ मेडिकल कलेजमा उपचाररत साहलाई बिहीबार चिकित्सकले मृत घोषणा गरे । घटनामा संलग्न कार चालक सिन्धुलीको गोलन्जोर गाउँपालिका–६ निवासी ३४ वर्षीय शम्शेर बहादुर हायुलाई इलाका प्रहरी कार्यालय भण्डाराको टोलीले नियन्त्रणमा लिई थप अनुसन्धान अघि बढाएको जनाएको छ ।
त्यसैगरी, असार १७ गते नै राप्ती नगरपालिका–८, खुरखुरेस्थित सडकमा बाप्र ०३–००१ ज ४७८ नम्बरको ईभी भ्यानले पैदलयात्रीलाई ठक्कर दिएको छ । दुर्घटनामा भारतको बिहार राज्य सीतामढी घर भई हाल चितवनको खैरहनी नगरपालिका–६, पुरानो पर्सामा डेरा गरी बस्दै आएका करिब ३४ वर्षीय मोहम्मद बसु शेख गम्भीर घाइते भएका थिए ।
भरतपुरस्थित पुरानो मेडिकल कलेजमा उपचाररत शेखलाई बिहीबार नै चिकित्सकले मृत घोषणा गरेका हुन् ।
घटनामा संलग्न ईभी भ्यान चालक राप्ती नगरपालिका–६, प्यारीढाप निवासी ३६ वर्षीय कृत्य बहादुर तामाङलाई इलाका प्रहरी कार्यालय भण्डारले नियन्त्रणमा लिई थप अनुसन्धान गरिरहेको छ ।
