सुर्योदय माविमा ५० बेडको क्वारेन्टाइन

मकवानपुर । सामुदायिक विद्यालय सुर्योदय माविमा ५० बेडको क्वारेन्टाइन निर्माण गरिएको छ । विदेशबाट आएका गाउँपालिका वासिन्दाहरुलाई व्यवस्थापनका लागि उक्त क्वारेन्टिन निर्माण गरिएको राक्सिराङ्ग गाउँपालिकाका अध्यक्ष राजकुमार मल्लले जानकारी दिए ।
उनका अनुसार अहिले भारतबाट आएका १४ जनालाई क्वारिन्टिनमा राखिएको छ । थप मानिसहरु आउन सक्ने भएकाले बेड क्षमता पर्याप्त बनाइएको उनको भनाइ छ । क्वारेन्टिनमा ६ जना स्वास्थ्यकर्मी खटाइएका छन् । गाउँपालिकाले विभिन्न विकास बजेटलाई कटौती गरी क्वारेन्टाइन ब्यवस्थापनमा खर्च गरेको उनले बताए ।