चितवनमा बस र स्कुटर ठोक्किँदा तीन जनाको मृत्यु

चितवन । चितवनको पकौडीमा यात्रुवाहक बस र स्कुटर दुर्घटना हुँदा तीन जनाको मृत्यु भएको छ । उक्त दुर्घटनामा स्कुटरमा सवार तीनजनाको मृत्यु भएको जिल्ला प्रहरी कार्यालय चितवनका प्रवक्ता सूर्य थापाले जानकारी दिए ।
प्रवक्ता थापाका अनुसार मृत्यु हुनेमा भरतपुर महानगरपालिका वडा नं. ६ गीतानगर बस्ने वर्ष ४० का स्कुटर चालक मोहन अधिकारी र उनकै छोरी वर्ष १७ की बिनिसा अधिकारी र सोही स्थान निवासी बर्ष १७ की दिबिसा अधिकारीको मृत्यु भएको हो ।
जगतपुरबाट भरतपुरतर्फ आउँदै गरेको ना ५ ख २१५० नम्बरको बस र ना ४० प ७०८२ नम्बरको स्कुटर एकआपसमा ठक्कर खाएको प्रहरीले बताएको छ भने उनीहरुको भरतपुर अस्पतालमा उपचारको क्रममा मृत्यु भएको बताइएको हो ।