चितवनमा ट्यांकरको ठक्करबाट एक जनाको मृत्यु

चितवन / चितवनमा इन्धन बोक्ने ट्यांकरले मोटरसाइकललाई ठक्कर दिंँदा एक युवतीको मृत्यु भएको छ भने चालक सामान्य घाइते भएका छन । मृत्यु हुनेमा खैरहनी नगरपालिका वडा नम्बर १० की सृजना चौधरी रहेकी छिन ।
जिल्ला प्रहरी कार्यालय, चितवनका अनुसार शनिबार सांँझ ५ बजेर ५५ मिनेटमा पूर्व पश्चिम राजमार्ग अन्तर्गत खैरहनी नगरपालिका वडा नम्बर ८ स्थित पर्साचोकमा पूर्वबाट पश्चिमतर्फ आउंँदै गरेको ना ८ ख ३०२४ नम्बरको इन्धन बोक्ने ट्यांकरले विपरीत दिशाबाट आएको ना ४४ प ५१२२ नम्बरको मोटरसाइकललाई ठक्कर दिंँदा पछाडि बस्ने उनी गम्भिर घाइते भएकी थिइन् ।
गम्भिर घाइते उनको उपचारको क्रममा पुरानो मेडिकल कलेज भरतपुरमा पौने ७ बजे मृत्यु भएको कार्यालयका प्रवक्ता प्रहरी नायब उपरीक्षक सूर्य बहादुर थापाले जानकारी दिए । चालक सुवास चौधरी भने सामान्य घाइते छन । प्रहरीले ट्यांकर चालकलाई नियन्त्रणमा लिएको छ ।