रत्ननगर १६ का स्वास्थ्य स्वयंसेविकालाई साइकल वितरण

रत्ननगर / रत्ननगर नगरपालिका वाड नम्बर १६ ले स्वास्थ्य स्वयंसेविकालाई साइकल वितरण गरेको छ । आइतबार औपचारिक कार्यक्रम गरी ३ जना स्वास्थ्य स्वयंसेविकालाई १/१ थान साईकल, छाता र झोला वितरण गरिएको वडाध्यक्ष हेमराज थापाले जानकारी दिए ।
साईकल हस्तान्तरण गर्दै वडाध्यक्ष थापाले स्वयंसेविकाहरुलाई सेवाग्राहीसम्म पुग्न सहजता होस भन्ने हेतुले साइकल वितरण गरिएको बताए । उनले स्वास्थ्य स्वयंसेविकाहरुले प्रदान गरिरहेको सेवाको प्रशंसा गर्दै आगामी दिनमा पनि निरन्तरता हुनेमा विश्वास ब्यक्त गरे ।
कार्यक्रममा रत्ननगर नगरपालिकाका स्वास्थ्य शाखा प्रमुख माधवप्रसाद पौडेल, वडा सदस्य, टोल विकास संस्थाका प्रतिनिधि, स्थानीय संघ संस्थाका प्रतिनिधि लगायतको उपस्थिति रहेको थियो ।
यस्तै, वडामा रहेका ४३ जना कृषि तथा पशुपालक कृषकलाई ५० प्रतिशत अनुदानमा ठेलागाढा र स्प्रे ट्याङ्की वितरण गरिएको छ । वडाध्यक्ष थापाका अनुसार कृषि उत्पादनमा वृद्धि र किसानहरुलाई कृषि पेशामा लाग्न प्रोत्साहन गर्ने उद्देश्यले अनुदानमा सामग्री वितरण गरेको जानकारी दिए ।