नेपालमा कोरोना दिनानुदिन बढ्दै, आज थप ९६८ जना

काठमाडौं / नेपालमा कोरोना संक्रमण दर दिनानुदिन बढ्दै गएको छ । पछिल्लो २४ घण्टामा नेपालमा थप ९६८ जनामा कोरोना भाइरसको संक्रमण पुष्टि भएको हो ।
स्वास्थ्य तथा मन्त्रालयका अनुसार पीसीआर विधिबाट ८२७२ र एन्टिजेन विधिबाट ६६९९ जनाको परीक्षण गर्दा ९६८ जनामा कोरोना संक्रमण देखिएको हो । यससँगै देशभर कोरोना संक्रमितको कुल संख्या पीसीआर विधिबाट भएको परीक्षणमा ८ लाख ३१ हजार ५२ र एन्टिजेन विधिबाट भएको परीक्षणमा ९६ हजार ८४१ जना पुगेको छ। यो साताको तथ्यांक हेर्दा दैनिक नेपालमा कोरोना संक्रमण बढ्न थालेको छ ।
यसअघि आइतबार २१६ जनामा, सोमबार ३२६ जनामा, मंगलबार ३९३ जना र बुधबार ४३५ जना र बिहीबार ५४० जनामा कोरोना संक्रमण पुष्टि भएको मन्त्रालयले दिएको विवरणमा उल्लेख छ ।
यस्तै, आज थप २६२ जना कोरोना संक्रमण मुक्त भएका छन् । यससँगै कुल कोरोना संक्रमण मुक्त हुनेको संख्या ८ लाख १३ हजार ७०९ जना पुगेको छ । निको हुने दर ९७.९ प्रतिशत रहेको छ ।