पुलबाट खसेर मोटरसाइकलमा सवार एकको मृत्यु

धनगढी / मोटरसाइकलमा सवार कैलालीकी एक महिलाको पुलबाट खोलामा खसेर ज्यान गएको छ । धनगढी उपमहानगरपालिका १६ पथरीस्थित गोकंनरी खोलाको पुलबाट शनिबार राति ४० वर्षीया ऐतवारी राना खसेकी थिइन् ।
सु.प.प्र. ०१ ००९ प ५९७९ नम्बरको उक्त मोटरसाइकल ३८ वर्षीय रजेश रानाले चलाएका थिए । मोटरसाइकल अनियन्त्रित भई दुर्घटनामा परेको प्रहरीले जनाएको छ ।
पुलबाट खसेकी रानाको खोलाको पानीमा परेर घटनास्थलमै मृत्यु भएको हो। चालक रजेश भने प्रहरी नियन्त्रणमा छन्।