चितवनमा दुई फरार अभियुक्त पक्राउ

चितवन / सवारी ज्यान र लागु औषध मुद्दाका फरार अभियुक्त पक्राउ परेका छन् । ती दुई फरार अभियुक्तलाई अलगअलग स्थानमा पक्राउ गरिएको जिल्ला प्रहरी कार्यालय चितवनले जनाएको छ ।
चितवनका प्रहरी प्रवक्ता डिएसपी नरहरि अधिकारिका अनुसार जिल्ला अदालत चितवनबाट गत चैत ११ गतेको फैसलाले सवारी ज्यान मुद्धामा २ वर्ष ११ महिना ५ दिन कैद तोकिएका रत्ननगर–५ बस्ने वर्ष २८ का रेवन्त महतोलाई पक्राउ गरिएको हो ।
यस्तै लागुऔषध मुद्दामा २०६४ साल असार १३ गतेको फैसलाले १ वर्ष ३ महिना १३ दिन कैद सजाय र नगद रु १,००,००० (एक लाख) रुपैयाँ जरिवाना तोकिएका फरार प्रतिवादी चितवनकै रत्ननगर १६ का वर्ष ३६ का मनोज कुमाललाई फागुन ११ गते बुधबार पक्राउ गरीएको प्रहरीले जनाएको छ ।
पक्राउ परेका अभियुक्तहरुलाई जिल्ला अदालत चितवनमा उपस्थित गराइएको डिएसपी अधिकारीले बताउनुभएको छ ।