भरतपुरमा औद्योगिक क्षेत्रमा विद्युत अवरुद्ध

चितवन / भरतपुरका बिभिन्न क्षेत्रमा शनिबार दिनभर औद्योगिक लाइन बन्द हुने भएको छ । नेपाल विद्युत प्राधिकरण भरतपुर वितरण केन्द्र अन्तर्गत ११ केभी लाइन मर्मत सुधारका लागि शनिबार विद्युत सेवा अवरुद्ध हुने भएको हो ।
कार्यालयका इञ्जिनीयर राजेन्द्र पौडेलका अनुसार शनिबार बिहान ९ देखि साँझ ६ बजेसम्म औद्यिगिक ३ फिडर बन्द रहनेछ । सो दिन नारायणगढ, बेलचोक, बाह्रघरे, रामघाट तथा काभ्रेघाट क्षेत्रको औद्योगिक लाइन बन्द हुने पौडेलले जानकारी दिए ।
११ केभी लाइन मर्मत सुधार र ८–९ मिटरको पोल भएको स्थानमा ११ मिटरको बदली गर्नुपर्ने भएकोले विद्युत सेवा अवरुद्ध हुने उनले बताए । कार्यालयले यसबाट औद्योगिक ग्राहकमा पुग्ने असुविधा प्रति क्षमा पनि मागेको छ ।