डुंगा दुर्घटना हुँदा ४३ को मृत्यु, उल्लेख्य संख्यामा हताहत

काठमाडौं / डुंगा दुर्घटना हुँदा ४३ जनाको मृत्यु भएको छ । उत्तरी बंगलादेशमा भएको उक्त दुर्घटनामा ४३ जनाको मृत्यु भएको हो । डुंगा चढेर मन्दिर जाँदै गरेकाहरु आइतबार दुर्घटनामा परेका हुन् ।
स्थानीय अधिकारीहरुका अनुसार केही अझै पनि बेपत्ता रहेका छन् । उनीहरुको खोजी भइरहेको जनाइएको छ । पञ्चगढ जिल्ला प्रशासक जहरुल इस्लामले डुंगा दुर्घटनाको कारण पत्ता लगाउन पाँच सदस्यीय समिति गठन गरिएको जानकारी दिएको छ ।
प्रारम्भिक रिपोर्ट अनुसार डुंगामा क्षमताभन्दा तीन गुणा बढी मानिसहरु सवार थिए । डुंगामा १ सय भन्दा बढी यात्रु चढेको बीबीसीले जनाएको छ ।