सत्ता गठबन्धन भत्किदैँ, एमालेसँग मिल्दा जसपालाई २५ सिट

काठमाडौं / जनता समाजवादी पार्टी (जसपा) का अध्यक्ष उपेन्द्र यादव र एमाले अध्यक्ष केपी शर्मा ओलीबीच निर्वाचनको सिट बाँडफाँटबारे छलफल भएको छ ।
बालुवाटारमा जारी सत्ता(गठबन्धनको बैठक छाडेर बालकोट पुगेका यादव र ओलीबीच आगामी प्रतिनिधिसभा निर्वाचनमा नयाँ समीकरण बनाउने विषयमा छलफल भएको हो । मधेश प्रदेशमा जसपा र एमालेले आधा(आधा सिट भागबन्डा गर्ने विषयमा छलफल भएको छ ।
छलफलमा ओलीले मधेशका ३२ सिटमध्ये १६ र अन्य प्रदेशमा ९ गरी २५ सिट जसपालाई दिने प्रस्ताव गरेको स्रोतले बताएको छ । गठबन्धनले जसपालाई १६ सिट मात्र दिने भएपछि अध्यक्ष यादवले एमालेसँग चुनावी तालमेलको गृहकार्य थालेका हुन् ।