अस्पतालमा गोली चल्दा दुई नर्सको मृत्यु

डलास / शनिबार बिहान टेक्ससको ड्यालसस्थित अस्पतालमा गोली चल्दा दुई कर्मचारीको मृत्यु भएको छ । उनीहरू दुबै नर्स हुन् ।
प्रहरी अधिकारीहरूले मेथोडिस्ट ड्यालस मेडिकल सेन्टरमा शनिबार स्थानीय समय अनुसार करिब ११ बजे उक्त घटना भएको जानकारी गराए ।
“प्रारम्भिक अनुसन्धानले एक व्यक्तिले अस्पतालका दुई कर्मचारीलाई गोली हानेर हत्या गरेको पुष्टी भएको छ,“ स्वास्थ्य निकायको विज्ञप्तिमा भनिएको छ ।
घटनास्थलमा पुगेका एक अधिकारीले शंकास्पद व्यक्तिलाई गोली हानेर घाइते बनाएको जनाएको छ । शंकास्पद व्यक्तिलाई हिरासतमा लिइयो र अर्को अस्पताल लगियो, विज्ञप्तिमा भनिएको छ ।
डलास प्रहरी विभागको एक बयान अनुसार , मेथोडिस्ट हेल्थ सिस्टम पुलिसले क्यापिटल मडर आरोपमा ३० वर्षीय नेस्टर हर्नान्डेजलाई गिरफ्तार गरेको छ ।