मैत्रीपूर्ण फुटसलमा पहिलो समाचार विजयी

0
453

हेटौंडा । सामुदायिक रेडियो सन्देश १०६.९ मेगाहर्ज हेटौंडाद्वारा आयोजित मैत्रीपूर्ण फुटसलमा पहिलो समाचार डट कम समूह विजयी भएको छ । महिला पत्रकारहरुबीच शनिबार भएको मैत्रीपूर्ण फूटसलमा प्रतिद्वन्द्वी लाल खबर डट कमलाई २–१ गोल अन्तरले पराजित गर्दै पहिलो समाचार टिम विजेता बनेको हो ।
उक्त मैत्रीपूर्ण खेलमा पहिलो समाचार टिमका लागि नानीमैया सापकोटा र सम्झना घिमिरेले समान १,१ गोल गरेका थिए । त्यस्तै, लालखबर डट कमका लागि मानवी बानियाँले १ गोल गरेकी हुन् । खेल दुबै पक्षको आक्रमक भएपनि अन्ततः पहिलो समाचार डट कमले विजयी मार्न सफल भएको हो ।
सामुदायिक संचार समूहद्वारा सञ्चालित सामुदायिक रेडियो सन्देश १०६.९ मेगाहर्जको प्रथम वार्षिकोत्सवको अवसरमा जिल्लास्तरीय मिडिया कप फुटसल प्रतियोगिता आयोजना गरेको हो । फुटसल खेलमा जिल्लाका विभिन्न सञ्चार गृहमा कार्यरत पत्रकार महिलाहरु सहभागी भएका थिए ।