चितवन र नवलपुरका सिडियोको सरुवा, पौड्याल आउँदै

चितवन / चितवनका प्रमुख जिल्ला अधिकारी अस्मान तामाङको सरुवा भएको छ । गृह मन्त्रालयले प्रजिअ तामाङलाई गृह मन्त्रालयमा सरुवा गरेको हो ।
गृह मन्त्रालयले उनलाई सह–सचिव (रा.प. प्रथम) पदमा सरुवा गरेको छ । प्रजिअ तामाङ गत २०७८ असोज ५ गते सरुवा भई चितवन आएका हुन् भने करिब १ वर्ष चार महिना काज सम्हालेका हुन् ।
प्रजिअ तामाङलाई गृह मन्त्रालय पठाउँदै मन्त्रालयमा कार्यरत सुरेन्द्र पौड्याललाई चितवनको प्रमुख जिल्ला अधिकारीको रुपमा पठाएको छ ।
यस्तै नवलपुरका प्रमुख जिल्ला अधिकारी सूमन घिमिरेको पनि सरुवा भएको छ । गृह मन्त्रालयले घिमिरेको गृहमन्त्रालयमा सरुवा गरेको हो । नवलपुरको नयाँ सिडिओको रुपमा कृष्ण प्रसाद लम्साल आउने भएका छन् ।
नवलपुर आउन लागेका लम्साल हाल धादिङको सिडिओ हुन् ।