चितवन / भरतपुर वडा नं. २ स्थित ‘भरतपुर महानगर फलफूल तथा तरकारी बजार’मा रक्तदान तथा स्वास्थ्य परीक्षण सम्पन्न भएको छ । रक्तदान तथा स्वास्थ्य परीक्षणमा ११ महिला सहित ५२ जनाले रक्तदान र १३५ जनाले बुधबार स्वास्थ्य लाभ लिएको सिद्धि विनायक बचत तथा ऋण सहकारी संस्था लि.का व्यवस्थापक विकास पौडेलले जानकारी दिए ।
उक्त कार्यक्रम सिद्धिविनायक बचत तथा ऋण सहकारी संस्था लिमिटेड (साकोस), फलफूल तथा तरकारी थोक व्यवसायी संघ, चितवन र कृषि प्रवद्र्धन बजार विकास प्रालिले संयुक्त रुपमा आयोजना गरेको हो । भरतपुरस्थित कलेज अफ मेडिकल साइन्सेस शिक्षण अस्पतालको प्राविधिक सहयोग रहेको थियो । वार्षिक कार्यतालिकाअनुसार यसपटक पनि तीनै संस्थाको संयुक्त आयोजनामा दुई कार्यक्रम गरिएको हो ।
बजारसँग सम्बन्धित व्यवसायी, उपभोक्ता तथा सहकारी संस्थाका सदस्यलगायतको स्वास्थ्य अवस्थामा ध्यान पु¥याउनुका साथै भरतपुरका अस्पतालमा रक्त अभाव हुन नदिने उद्देश्यले कार्यक्रम आयोजना गरिएको व्यवस्थापक पौडेलको भनाइ छ ।
सो अवसरमा सिद्धि विनायक साकोसका अध्यक्ष थिरप्रसाद धिताल, फलफूल तथा तरकारी व्यवसायी संघका अध्यक्ष मुकुन्दप्रसाद गौतम, भरतपुर वडा नं २ का कार्यवाहक अध्यक्ष परशुराम पौडेललगायतले मन्तव्य दिएका थिए ।
- ADVERTISEMENT -
कार्यक्रममा नेपाल रेडक्रस सोसाइटी चितवनका जिल्ला सभापति हरिप्रसाद पौडेलको प्रमुख आतिथ्यता रहेको थियो भने कृषि प्रबर्धन बजार विकास प्रा.लि.का अध्यक्ष शालिक घिमिरेको सभापतित्वमा सम्पन्न भएको हो ।
