युथ क्लब नारायणगढमा शालिग्राम नेपालको नेतृत्व

चितवन / युथ क्लब नारायणगढको ४९औ साधारणसभा तथा २५औ अधिवेशनबाट शालिग्राम नेपाल अध्यक्षमा सर्वसम्मत निर्वाचित हुनु भएको छ । संस्थाको सभाहलमा शनिबार सम्पन्न उक्त अधिवेशनबाट नेपालको नेतृत्वमा नयाँ कार्यसमिति चयन गरेको हो ।
अधिवेशनले संस्थाको उपाध्यक्षमा दयाराम कंडेल, महासचिवमा रामचन्द्र आचार्य, कोषाध्यक्षमा अनिता नेपाली, सदस्यहरुमा शान्ती श्रेष्ठ, केशवराज सापकोटा र बाँकी रहेको दुई जना कार्यसमिति सदस्य समितिको बैठकले पछि थप गर्ने भएको छ ।
२०३६ साल जेठ २६ गते स्थापना भएको नेपालकै पुरानो सामाजिक सस्थाको रुपमा परिचित छ । सस्थाको अधिवेशनको उदघाटन सत्रमा प्रगती प्रतिवेदन, आर्थिक प्रतिवेधन प्रस्तुत गरिएको थियो । कार्यक्रममा संस्थाका पुर्व अध्यक्ष भानुप्रकाश जोशी, देवेन्द्र गुरुङ, केशवप्रसाद रेग्मी, भुवन आचार्य, हेरम्बकुमार असीम, विष्णुप्रसाद सापकोटा , लक्ष्मण बानिया, आजीवन सदस्य इश्वरकुमार श्रेष्ठ, सदस्य तीर्थ नेपाललगायतले मन्तव्य राख्नु भएको थियो ।
अधिवेशनमा पुर्व अध्यक्ष केशवप्रसाद रेग्मीको संयोजकत्वमा हेरम्बकुमार असीम, विष्णुप्रसाद सापकोटा निर्वाचन समिति चयन भएको थियो । वर्तमान कार्य समितिले पद हस्तान्तरण गरेपछि मात्र निर्वाचित नयाँ कार्यसमितिले पदभार ग्रहण गर्ने व्यवस्था रहेको छ । कार्यक्रम रामबाबु श्रेष्ठको अध्यक्षतामा सम्पन्न भएको थियो ।