चितवन / भरतपुर महानगरका विभिन्न स्थानबाट १७१ जनाको उद्धार गरिएको छ । नारायणी नदीमा आएको बाढीको जोखिममा रहेका उनीहरुको उद्धार गरी सुरक्षित स्थानमा सारिएको जिल्ला प्रशासन कार्यालय चितवनले जानकारी दिए ।
चितवनका प्रमुख जिल्ला अधिकारी इन्द्रदेव यादवका अनुसार भरतपुर–१६ गुम्बाचोकबाट पुरुष २६ र महिला ३३ गरी जम्मा ५९ जनालाई उद्धार गरी सुरक्षित स्थानमा सारिएको हो ।
- ADVERTISEMENT -
भरतपुर–३ स्थितमा रहेको हाम्रो घर नामक संस्थामा रहेका २४ जना बालबालिका र दुई जना महिला कामदार गरी जम्मा २६ जनालाई नजिकै रहेको एग्रोभेटको भवनमा सारिएको छ भने भरतपुर–१७ गोब्रेनीस्थितमा १७ घरधुरीका ५४ जना मानिसहरुलाई आफन्तहरुको घरमा सुरक्षित साथ सारिएको प्रशासनले जनाएको छ ।
यस्तै, भरतपुर–३ बालकुमारी नर्सिङ कलेजको भवनमा बस्ने ४ जनालाई (३ पुरुष, १ महिला) लाई आफन्तको घर र भरतपुर–१ देवघाटस्थित नारायणी नदीको किनारमा रहेको कुटी र स्थानीय बासिन्दा गरी जम्मा २८ जना (२५ पुरुष, ३ महिला) लाई नजिकैको मारवाडी समाजको भवनमा सुरक्षित साथ सारिएको उनले भने ।
- ADVERTISEMENT -
