चितवन / मुग्लिन–नारायणगढ सडकखण्ड अन्तर्गत सिमलतालमा भएको बस दुर्घटनाका ६५ जना यात्रुको विवरण सार्वजनिक भएको छ ।
जिल्ला प्रशासन कार्यालय चितवनले सोमबार एक विज्ञप्ति जारी उक्त दुर्घटनाका ६५ जना यात्रुको विवरण सार्वजनिक गरेको हो ।
प्रेस विज्ञप्ति अनुसार वीरगञ्जबाट काठमाडौं आउँदै गरेको बा प्र०३००६ख नम्बरको एन्जल डिलक्समा २७ जना यात्रु रहेको पाइएको हो । यस्तै, काठमाडौंबाट गौर जाँदै गरेको प्र३००१ख २४९५ नम्बरको गणपति डिलक्समा ४१ यात्रु रहेको खुलेको छ। जसमध्ये तीन जना बाँच्न सफल भएका छन्।
- ADVERTISEMENT -
हालसम्म दुवै बसका गरी १४ जना यात्रुको शव फेला परेको जनाइएको छ। ती मध्ये ८ जनाको पहिचान खुलेको छ भने ६ जनाको सनाखत हुन बाँकी छ । शुक्रबार सिमलतालमा पहिरोले बगाउँदा त्रिशूलीमा हराइरहेका दुवै बस अझै फेला पर्न सकेका छन् । बस तथा बेपत्ता यात्रुहरूको सुरक्षाकर्मीले खोजी जारी राखेका छन्।
