रञ्जना हत्याकाण्ड : मुख्य योजनाकार श्रीमान भएको माइतीपक्षको आरोप

0
1828
फोटो : तेमाल अनलाइनबाट ।

नमोबुद्ध / काभ्रे जिल्लाको नमोबुद्ध नगरपालिका वडा नं. ८ मा गत भदौ १८ गते एउटा विभत्स हत्या भयो । आफ्नै बुहारीको घाँटीमा जेठाजुले बञ्चरो प्रहार गरी हत्या गरिएको थियो । उनकी जेठाजु सुदर्शन अधिकारीले रञ्जना माथि बञ्चरो प्रहार गरेर हत्या गरेका थिए ।
यो घट्नालाई लिएर माइतीपक्ष निक्कै आक्रोश देखिन्छ । लास उठाउँदा माइतपक्षको संलग्न नगराएको र हत्याको मुख्य योजनाकारले उन्मुक्ति दिन खोजेको भन्दै उनीहरु आक्रोशित भएका हुन् । ललितपुर जिल्लाको ठूलादुर्लुङ माइत रहेको रञ्जनाका माइतीले नयाँ कुरा बाहिर ल्याएकाछन् ।
रञ्जनाकी भाई युवराज तिमल्सिनाले आफ्नी दिदीको हत्याको योजनाकार आफ्नै भेनाजु शंकर अधिकारी रहेको दावी गरेका छन् । जिल्ला प्रहरी कार्यालय, काभ्रेमा किटानी जाहेरी दिन आएका अधिकारीले भेनाजु अधिकारीलाई समेत पक्राउ गरी कार्वाही गर्न उनले माग गरेका छन् ।
‘मेरो दिदीको हत्याको मुख्य योजनाकार भेना शंकार अधिकारी नै हो । त्यसमा उनको परिवारका सबैजनाको संलग्नता छ ।’ तिमल्सिनाले भने, ‘अब कडाभन्दा कडा कार्वाही गर्न म अनुरोध गर्दछु ।’
यसैबीच रञ्जनाको हत्या प्रकरणको अनुसन्धान भइरहेको जिल्ला प्रहरी कार्यालय, काभ्रेका डिएसपी कुमार विक्रम थापाले जानकारी दिए ।