काठमाडौं / नेकपा एकीकृत समाजवादी पार्टीको स्थायी कमिटी बैठक आह्वान गरिएको छ । बैठक यही मंसिर २६ र २७ गते केन्द्रीय कार्यालयमा बस्ने गरी आह्वान गरिएको हो ।
बैठकमा पार्टीको देशभर साङ्गठनिक गतिविधि, जिल्ला तथा प्रदेशका अधिवेशन, स्थानीय तहको उपनिर्वाचनको समीक्षा, मुलुकको समसामयिक राजनीतिक विषयवस्तुको बारेमा छलफल हुने उपमहासचिव तथा केन्द्रीय कार्यालय सचिव रामकुमार भट्टराईले जानकारी दिए ।
- ADVERTISEMENT -
साथै नेताहरूको कार्यविभाजन तथा संरचनामा फेरबदलसम्बन्धी निर्णय लिन बैठक बोलाएको पनि उनले बताए ।
