मकवानपुर / मकवानपुर र काठमाडौं जोड्ने मातातीर्थ सडक आज (सोमबार) देखि १५ दिन बन्द हुने भएको छ ।
महालक्ष्मी खोला–मातातीर्थ सडक अन्तर्गत मकवानपुरको इन्द्रसरोवर गाउँपालिका वडा नम्वर, ५ स्थित महालक्ष्मी खोला नजिकै भिर कटानका लागि उक्त सडक बन्द गर्नु लागेको गाउँपालिकाका अध्यक्ष देवकृष्ण पुडासैनीले जानकारी दिए ।
- ADVERTISEMENT -
उनका अनुसार, बागमती प्रदेश सरकारको पूर्वाधार विकास कार्यालय मकवानपुरबाट मकवानपुरतर्फको सडक खण्डमा स्तरोन्नतिका क्रममा उक्त सडक बन्द गर्न लागिएको हो ।
उक्त सडक आगामी माग ७ गतेसम्म बन्द रहनेछ । सो सडक खण्डमा हाल स्तरोन्नतिको काम भइरहेको उनले बताए ।
यस्तै, मकवानपुर–काठमाडौं जोड्ने कुलेखानी–फाखेल सडकखण्ड र कुलेखानी–सिस्नेरी–दक्षिणकाली सडकखण्डमा एकतर्फी मात्रै सवारी साधान संचालन भइरहेको जिल्ला प्रहरी कार्यालय मकवानपुरका प्रहरी नायव उपरीक्षक श्यामु अर्यालले जानकारी दिए ।
प्रहरी नायव उपरीक्षक अर्यालका अनुसार, हेटौंडाबाट काठमाडौं जाने सवारी सिस्नेरीतर्फबाट र काटमाठौंबाट हेटौंडा आउने सवारी साधान फाखेलबाट संचालन भइरहेको छ । दुबै सडकखण्डमा हाल स्तरोन्नतिको कार्यहरु भइरहेको छ ।
