चितवन / चितवनमा एकै दिन ८७ जनामा कोरोना संक्रमण पुष्टि भएको छ । भरतपुर कोभिड–१९ परीक्षण प्रयोगशालामा शुक्रबार गरिएको परीक्षणमा चितवनका थप ८७ जनामा कोरोना भाइरस संक्रमण पुष्टि भएको ल्याब प्रमुख डा नितु अधिकारीले जानकारी दिनुभयो ।
डा अधिकारीका अनुसार संक्रमण भएकाहरुमा भरतपुर महानगरपालिकाका मात्र ७३ जना रहेका छ्न । भरतपुरका संक्रमण पुष्टि हुनेमा भरतपुर महानगरपालिकाका वडा नम्बर १ ,२ ,३, ५,६,७ , ९ ,११, १० , ११ , १२ र १५ का रहेका छन् । ती मध्ये ५९ जना पुरुष र २३ जना महिला छन् ।
त्यसैगरी संक्रमित महिलाहरुको उमेर १५ वर्षदेखि ४२ वर्षसम्म भने पुरुषहरु ३ वर्षका बालकदेखि ९० वर्ष उमेर समुहका रहेका छ्न । उनीहरुको भरतपुर अस्पताल स्वाब केन्द्र र पुरानो मेडिकल कलेजबाट स्वाब संकलन गरिएको जनाइएको छ ।
यस्तै चितवनका थप संक्रमितमा रत्ननगर नगरपालिका वडा नम्बर १३ र १५ का २ जना महिला, खैरहनी नगरपालिका वडा नम्बर १ का २ जना महिला र २ जना पुरुष तथा कालिका नगरपालिका वडा नम्बर २,८,७ का ६ जना पुरुष र २ जना महिलामा कोरोना संक्रमण पुष्टि भएको हो ।
उनीहरुको क्वारेन्टिनबाट स्वाब संकलन केन्द्रबाट स्वाब लिइएको डा. अधिकारीले बताउनुभयो । प्रयोगशालामा शुक्रबार ५३३ नमुना परिक्षण गर्दा ८७ जनामा कोरोना भाइरस संक्रमण देखिएको हो ।
- ADVERTISEMENT -
