चितवन / चितवन शारीरिक सुगठन तथा फिटनेश संघद्वारा सल्लाहकार चयन तथा स्वागत कार्यक्रम सम्पन्न भएको छ । चितवन शारीरिक सुगठन तथा फिटनेश संघका अध्यक्ष प्रकाश गुरुङको अध्यक्षतामा सम्पन्न कार्यक्रममा चितवन शारीरिक सुगठन तथा फिटनेश संघका उपाध्यक्ष इन्द्र बहादुर श्रेष्ठले स्वागतसँगै कार्यक्रमको उद्देश्यबारे प्रकाश पारे ।
संघको शनिबार बसेको विशेष बैठकले संघको सल्लाहकारहरु चयन गर्ने निर्णय गरेको संघका सचिव बीरबहादुर रानाले जानकारी दिए । दिनेश राजभण्डारी प्रमुख सल्लाहकार रहेको सल्लाहकार समितिमा प्रलाद सापकोटा, राकेशमान श्रेष्ठ, भीमबहादुर घले, राजेन्द्र गुरुङ, तजेन्द्र कुँबर, श्याम न्यौपाने, लाल बहादुर राय, अन्तोष बमजन र प्रेस सल्लाहकारमा पत्रकार राजु भट्ट रहनु भएको छ ।
- ADVERTISEMENT -
सल्लाहकार चयनसँगै स्वागत गरिएको कार्यक्रममा सल्लाहकारहरुले आफूहरुलाई दिइएको जिम्मेवारी पूर्ण रुपमा वहन गर्दै जाने प्रतिवद्धता समेत व्यक्त गरेका थिए । विभिन्न विधाका प्रतिष्ठित व्यक्तिहरुलाई सल्लाहकार समितिमा चयन गरिएको र सल्लाहकारहरुको राय, सल्लाह, सुझाव र प्रतिक्रिया लिएर संघका गतिविधिहरुलाई अगाडि बढाईने चितवन शारीरिक सुगठन तथा फिटनेश संघका अध्यक्ष प्रकाश गुरुङले बताए ।
