काठमाडौं / देशव्यापी रूपमा चर्किएको युवा आन्दोलन र जनदबाबका सामु सरकार अन्ततः झुकेको छ । सोमबार बसेको मन्त्रिपरिषद् बैठकले सामाजिक सञ्जालमाथि लगाएको प्रतिबन्ध फुकुवा गर्ने निर्णय गरेको हो ।
सूचना तथा सञ्चार प्रविधि मन्त्री पृथ्वी सुब्बा गुरूङले यसको पुष्टि गर्दै सामाजिक सञ्जालहरू सञ्चालनमा आइसकेको जानकारी दिए । सरकारले गत १९ भदौमा मन्त्रीस्तरीय निर्णयमार्फत सामाजिक सञ्जालहरूमाथि प्रतिबन्ध लगाएको थियो, जसमा विशेष गरी एक्स ९पहिलेको ट्वीटर० लाई लक्षित गरिएको थियो । प्रधानमन्त्री ओलीले मन्त्रिपरिषद् बैठकमा एक्सले नेपालको राष्ट्रिय स्वाभिमानको कदर नगरेको र नेपालमा दर्ता नहुने अडान लिएको भन्दै ब्रिफिङ गरेका थिए । उनले ‘डेढ वर्षदेखि सूचीकृत गर र नेपालको कानुन मान’ भन्दा पनि अटेरी गरेको आरोप लगाएका थिए ।
- ADVERTISEMENT -
यद्यपि, सरकारको यो कदमले युवा वर्गमा ठूलो असन्तुष्टि पैदा गर्यो । जेनजी ९न्भल श्० हरूले सामाजिक सञ्जाल खुलाउन माग गर्दै देशका विभिन्न भागमा सशक्त प्रदर्शनहरू गरे । सोमबार मात्रै काठमाडौंमा १७ र इटहरीमा २ जना प्रदर्शनकारीले ज्यान गुमाएका थिए । यसले सरकारमाथि थप दबाब सिर्जना गर्यो । चर्को जनविरोध र सत्तारुढ दलभित्रबाटै आएको दबाब थेग्न नसकेपछि सरकार आफ्नो निर्णयबाट पछि हट्न बाध्य भएको हो ।
