चितवनमा कर्फ्यू र निषेधाज्ञा हटाइयो, जनजीवन सामान्य बन्दै

चितवन / जिल्ला प्रशासन कार्यालय चितवनले लगाएको कर्फ्यू तथा निषोधाज्ञा हटाइएको छ । जिल्ला सुरक्षा समितिले निर्णय गरेर २६ गतेदेखि लगाइएको कर्फ्यू तथा निषेधाज्ञा आज (शनिबार) बिहान ७ बजेदेखि लागू हुनेगरि हटाइएको चितवनका प्रमुख जिल्ला अधिकारी गणेश अर्यालले जानकारी दिए ।

जेनजीको प्रदर्शनपछि २६ गतेदेखि दिउँसोको समयमा निषेधाज्ञा र रातको समयमा कफ्र्यू लगाउँदै आइएको थियो । प्रमुख जिल्ला अधिकारी अर्यालले जिल्लाको शान्ति सुरक्षामा सहयोग गर्न पनि सरोकारवालासँग अनुरोध गरेका छन् ।

- ADVERTISEMENT -

चितवनमा शुक्रबारदेखि अवस्था सामान्य बन्दै गएको छ । प्रदर्शनका क्रममा चितवनका अधिकांस सरकारी कार्यालयमा क्षति पुगेको छ । सबै कार्यालय सरसफाईको काम समेत सुरु गरिएको अर्यालले बताए ।