चितवन / महानगर फलफूल तथा तरकारी बजार भरतपुर–२, क्षेत्रपुरको मातहतमा रहेको फलफूल तथा तरकारी थोक व्यवसायी संघका सदस्यहरुले कलेज अफ मेडिकल साइन्सेस शिक्षण अस्पताल (पुरानो मेडिकल कलेज)बाट स्वास्थ्योपचारमा छुट पाउने भएको छ ।
पुरानो मेडिकल कलेजका उपनिर्देशक प्राडा राजेशकुमार यादव र संघका तर्फबाट अध्यक्ष जयराम पाण्डे बीच आइतबार सम्झौता पत्रमा हस्ताक्षर भएसँगै उनीहरुले स्वास्थ्योपचारमा छुट पाउने भएको हो ।
- ADVERTISEMENT -
सम्झौता पत्र अनुसार अस्पतालमा उपलब्ध सम्पूर्ण सेवाका साथै एक्सरे र इसिजीमा २० प्रतिशत छुट पाउनेछ भने औषधी तथा सिटी र एमआरआईमा छुट गरिएको छैन । संघका सदस्यहरु तथा निजका एकाघर परिवारका सदस्यहरुलाई मात्र प्रदान गरिने सम्झौता पत्रमा उल्लेख छ ।
सुविधा पाउन फोटो सहितको वैध परिचय पत्र अनिवार्य र परिवारका सदस्यहरुको हकमा भने नाता खुल्ने कागजात अनिवार्य गरिएको अध्यक्ष पाण्डेले बताए ।
सुगर जाँच तथा परामर्श सेवा निःशुल्क उपलब्ध, संघद्वारा आयोजना गरिने निःशुल्क स्वास्थ्य शिविर तथा स्वास्थ्य सचेतना कार्यक्रममा पुरानो मेडिकल कलेजबाट प्राविधिक सहयोग उपलब्ध हुनेछ ।
