चितवन / नेपाल तामाङ घेदुङ बागमती प्रदेशका सचिवालय सदस्य मोहन स्याङ्बो तामाङलाई पितृशोक परेको छ ।
स्याङ्बोका बुबा देवलाल स्याङ्बो तामाङको ८० वर्षको उमेरमा चितवन मेडिकल कलेजमा उपचारको क्रममा निधन भएको हो ।
- ADVERTISEMENT -
स्व. देवलालको केही दिन अघि मात्र सोही मेडिकल कलेजमा पेटको अल्सरको शल्यक्रिया गरिएको थियो ।
नेपाल तामाङ घेदुङ जिल्ला समन्वय समिति चितवनका पूर्व अध्यक्ष समेत रहेका स्याङ्बोका एक श्रीमती, एक छोरा र एक छोरी छन् । उनी सहित तीन दाजुभाइ तथा दुई बहिनी छन् ।
स्थायी घर सिरहा जिल्ला धनगढी माई नगरपालिका वडा नं. ९ निवासी स्व. देवलालको तामाङ परम्परा र संस्कृति अनुसार अन्त्येष्टि गरिएको परिवार स्रोतले जनाएको छ ।
विगत तीनदशक बढीदेखि सञ्चालित प्रेरणा सेकेन्डरी इङलिस बोर्डिङ स्कुल भरतपुर ११ का स्याङ्बो प्राचार्य पनि हुन् भने शिक्षा क्षेत्रमा उनको महत्वपूर्ण योगदान रहँदै आएको छ ।
