काठमाडौं / राष्ट्रिय प्रजातन्त्र पार्टी (राप्रपा) परित्याग गरेका डा. धवल शमशेर जबरा र अभियनता दुर्गा प्रसाईंले नयाँ राजनीतिक दल गठन गरेका छन् ।
उनीहरूले पार्टीको नाम ‘जय नेपाल पार्टी’ राखेका छन् । नवगठित पार्टीको सभापतिमा डा. धवल शमशेर जबरा र सर्वोच्च नेतामा दुर्गा प्रसाईं रहने निर्णय गरिएको छ ।
- ADVERTISEMENT -
प्रसाईंका स्वकीय सचिव दीपक खड्काका अनुसार पार्टी दर्ताका लागि साउन २८ गते निर्वाचन आयोग जाने तयारी भइरहेको छ ।
दल दर्तासम्बन्धी सबै तयारी पूरा भइसकेको खड्काले जानकारी दिए ।
डा. धवल शमशेर जबरा राप्रपा परित्याग गरेपछि छुट्टै राजनीतिक अभियानमा सक्रिय थिए । यस्तै, दुर्गा प्रसाईं लामो समयदेखि विभिन्न सामाजिक तथा राजनीतिक आन्दोलनमा संलग्न रहँदै आएका छन् । उनी मेडिकल व्यवसायीसमेत हुन् ।
