चितवन । नेपाली कांग्रेसको १५औं महाधिवेशन अन्तरगत वडा अधिवेशन आज (शनिबार)बाट सुरु हुँदैछ ।
कांग्रेस विधानअनुसार सबैभन्दा तल्लो तहको अधिवेशनको वडा अधिवेशन सुरु हुन लागेको नेपाली कांग्रेस चितवनले भरतपुरमा शुक्रबार पत्रकार सम्मेलन मार्फत जानकारी दिएको हो ।
- ADVERTISEMENT -
प्रदेश र जिल्ला तहको अधिवेशन बाहेक सबै तहका निर्वाचान असोज १९ गतेभित्र समपन्न हुने कांग्रेसले बताएको छ ।
चितवनमा १५ औँ महाधिवेशन अन्तर्गत असोज ३ वा ४ गते जिल्लाका ९८ वडामा नै अधिवेशन हुनेछ ।
असोज ७ गते पालिका अधिवेशन, असोज १० गते प्रदेशसभा तथा क्षेत्रीय अधिवेशन अधिवशेन हुने जिल्ला पार्टी सभापति राजेश्वर खनालले जानकारी दिए ।
वडा, पालिका तथा क्षेत्रबाट चुनियर गएका महाधिवेशन प्रतिनिधिले असोज १६ देखि १९ गतेसम्म काठमाण्डौँमा हुने केन्द्रिय महाधिवेशनमा सहभागिता जनाउनेछन् । प्रदेश र जिल्लाको अधिवशेन भने दशै तिहारपछि गर्ने तयारी भएको अध्यक्ष खनालले बताए ।
चितवन कांग्रेसले सबै वडाका क्रियाशील सदस्यता नामावली सार्वजनिक गरेको छ । नेपाली कांग्रेसको १५ औँ महाधिवेशनमा चितवनबाट २७ हजार पाँच सय जना क्रियाशिल सदस्य सहभागि हुनेछन् ।
जिल्लामा कांग्रेसको क्रियाशिल सदस्य केही घटेको जिल्ला सचिव धुर्व पोखरेलले जानकारी दिए । यसअघि १४ औँ महाधिवेशनमा २८ हजार २०० जना क्रियाशिल सदस्य रहेका थिए ।
निर्वाचन सफल बनाउनका लागि कांग्रेस केन्द्रले प्रतिनिधि तोकेर सबै जिल्लामा पठाएको छ ।
यसपटक कांग्रेस चितवनले वडा अधिवेशनबाट ९८ जना महिला वडा उपसभापतिको नेतृत्वमा आउने अवसर सुनिश्चित गरेको छ ।
