फागुन २४ बाट दोस्रो भरतपुर गोल्डकप सुरु

0
273

भरतपुर । चितवनमा राष्ट्रियस्तरको दोस्रो भरतपुर गोल्डकप हुने भएको छ । एजे इन्टरनेशनल तथा चितवन जिल्ला फुटबल संघको आयोजनामा भरतपुरको क्याम्पाचौरमा आगामी फागुन २४ गतेदेखि चैत्र ३ गतेसम्म फुटबल हुन लागेको मंगलबार संयोजक आलोकप्रताप राणाले पत्रकार सम्मेलनमा बताए ।
फुटबल प्रेमी महानुभावहरु र खेलाडीको मागलाई मध्यनजर गरी दोस्रो अन्तर्राष्ट्रिय फुटबल प्रतियोगिता हुन गइरहेको उनले बताए । फुटबलको तयारी तिब्र रुपमा भइरहेको र १५० मिटरको प्याराफिट ३ हजार दर्शकले अवलोकन गर्न मिल्ने तथा २०० जना दर्शकको लागि भीआईपी प्याराफिट हुने उनले जानकारी दिए ।
प्रतियोगितामा ६ वटा ए डिभिजन क्लब र ४ वटा जिल्ला क्लबहरुसहित १० वटा क्लबको सहभागिता रहने छ । प्रतियोगितामा प्रथम हुने टिमले १० लाख रुपैयाँ, दोस्रो हुने टिमले ५ लाखसहित ट्रफी, मेटल, प्रमाणपत्र पाउने उनले भने ।
उक्त प्रतियोगितामा हरेक दिन म्यादन अफ दि म्याच हुने खेलाडीले नगद १० हजार, ट्रफी, मेडल प्रदान गरिने छ । यसैगरी खेल सम्पन्न भएपनि हरेक विधाका उत्कृष्ट खेलाडीहरुलाई २० हजार, सर्वोत्कृष्ट खेलाडीलाई नगद ५० हजारसहित ट्रफी, मेडल प्रदान गरिने आयोजकले जानकारी दिए ।